ഗണപതി ഭഗവാന്റെ അനുഗ്രഹത്തോടെ പാചകം തുടങ്ങാം. ആദ്യം അദ്ദേഹത്തിന്റെ ഇഷ്ട പലഹാരമായ ലഡ്ഡു തന്നെ ആകട്ടെ! ചെറിയ പന്ത് എന്നർത്ഥം വരുന്ന സംസ്കൃതത്തിലെ 'ലത്തിക' അഥവ 'ലഡ്ഡുക' എന്ന പദത്തിൽ നിന്നാണ് ലഡ്ഡു എന്ന വാക്കുണ്ടായത്. നമ്മുടെ നാട്ടില് സാധാരണയായി സന്തോഷാവസരങ്ങളില് ലഡ്ഡു വിതരണം ചെയ്യാറുണ്ട്. കൂടാതെ അമ്പലങ്ങളിൽ നൈവേദ്യമായും, പ്രസാദമായും നൽകുന്ന പതിവുമുണ്ട്. ചേരുവകള്: കടല മാവ് - 300 ഗ്രാം പഞ്ചസാര - 150 ഗ്രാം ഉണക്കമുന്തിരിങ്ങ - 12 ഏലയ്ക്ക പൊടി - 2 ടീസ്പൂണ് നെയ്യ് - ആവശ്യത്തിന് കടലമാവ് നേര്മ്മയായി കലക്കുക. കട്ടകള് ഇല്ലാതെ വേണം. അധികം വെള്ളം ചേര്ക്കാതെ അയഞ്ഞ ഒരു പേസ്റ്റ് പരുവത്തില് മാവ് തയ്യാറാക്കണം. ഒരു പരന്ന പാനില് നെയ്യ് ചൂടാക്കുക. കലക്കിയ മാവ് നെയ്യിലേക്ക് അല്പാല്പമായി ദ്വാരങ്ങള് ഉള്ള ഒരു തവിയിലൂടെ (കണ്ണാപ്പ) ഒഴിച്ച് വറുത്ത് കോരുക. ഇതിന് ബൂന്ദി എന്ന് പറയുന്നു. അധികം വറുക്കരുത്. കുറച്ചു ബൂന്ദി തണുത്ത ശേഷം തരുതരുപ്പായി മിക്സിയില് പൊടിച്ചു വയ്ക്കുക. ബൂന്ദിക്ക് കരുമുരുപ്പ് കിട്ടാന് ചിലര് ഒരു നുള്ള് ബേക്കിംഗ് പൌഡര് മാവില് ചേര്ക്കാറു...
Comments
Post a Comment